រំភើបជំនួស! យុវតី​ ខូវ វីណា​​ ​​បាន​និទ្ទេស​​A គ្រប់​មុខវិជ្ជាទាំងអស់ បានប្រាប់ពីគោលបំណងធំ ២ គឺ (មានវីដេអូ)

ភ្នំពេញ ៖ ជឿជាក់ប្រិយមិត្តបងប្អូនបានជ្រាបដឹងហើយថាការ​ប្រឡង​សញ្ញាបត្រ​មធ្យមសិក្សា​ទុតិយភូមិ​ សម័យ​ប្រឡង ​៖ ​០៥ ធ្នូ ២០២២ ​បាន​ប្រព្រឹត្តិ​ទៅ​រយៈពេល​២​ ​(៥-៦ ខែ​ធ្នូ) កន្លងទៅ​ មាន​បេក្ខជន​អវត្តមាន​ចំនួន ២៤០០ នាក់ ស្រី ១០៣៦ នាក់ ត្រូវជា ១,៨៧ ភាគរយ ក្នុង​ចំណោម​បេក្ខជន​សរុប​ចំនួន ១២៨១៣៥ នាក់។ ម្សិលម៉ិញនេះ នាថ្ងៃទី ២២ ខែធ្នូ ឆ្នាំ ២០២២ នេះ លទ្ធផល ប្រឡងសញ្ញាបត្រមធ្យមសិក្សាទុតិយភូមិ បានប្រកាសហើយ សម្រាប់ រាជធានីភ្នំពេញ និងខេត្ត កណ្ដាល រីឯ ថ្ងៃទី ២៣ ខែធ្នូ ឆ្នាំ ២០២២ គឺនៅតាមបណ្ដាខេត្តនានា ហើយក៏បានធ្វើឲ្យ សិស្សដែលបានជាប់សម្តែងក្តីរំភើបរីករាយយ៉ាងខ្លាំង

និងបានបង្ហោះរូបភាព ពេញបណ្តាញសង្គមហ្វេសប៊ុក ហើយក៏មានអ្នកខ្លះ ត្រូវបានក្រុមគ្រួសារជូន កាដូលើកទឹកចិត្ត និងជប់លៀង ជូនភ្លាមៗតែម្តង ដោយមិនចាំយូរទេ គ្រាន់តែឃើញ ក៏រំភើបជំនួសដែរ។ក្នុងនោះ គេឃើញសិស្សម្នាក់ ពិតជាអស្ចារ្យណាស់ មិនត្រឹមតែស្អាតប៉ុណ្ណោះទេ ថែមទំាងរៀនពូកែទៀត រហូតទទួលបាន និទ្ទេស A គ្រប់មុខវិជ្ជាទំាងអស់។ ក្នុងនោះ បើយោងតាមហ្វេសប៊ុកផ្លូវការមួយឈ្មោះ BELTEI International School បានបញ្ជាក់ប្រាប់ថា ៖

«អបអរសាទរ សិស្សឈ្មោះ ខូវ វីណា មកពីសាលា ប៊ែលធី អន្តរជាតិទី១១ (សាខាផ្សារតូច) ទទួលបាននិទ្ទេស A គ្រប់មុខវិជ្ជា សម័យប្រឡង៖ ០៥ ធ្នូ ២០២២។ (ចំពោះលទ្ធផលសិស្សនិទ្ទេស A សរុប ក្រុមការងារការិយាល័យកណ្តាលនៃសាលា ប៊ែលធី អន្តរជាតិកំពុងបូកស្រង់) មិនត្រឹមតែប៉ុណ្ណោះទេ ខូវ វីណា ប្រាប់ពីគោលបំណងធំពីរ របស់ខ្លួន ទៅថ្ងៃអនាគត គឺដំបូងឡើយចង់ធ្វើពេទ្យ ហើយមួយទៀត ក៏ចង់រៀន Business ផងដែរ,

មុនប្រឡងរំពឹងខ្ពស់ ពេល​ប្រឡងហើយគិតថាខ្លួនឯងត្រឹមបាន B អ៊ីចឹងបង ដល់ពេលចេញលទ្ធផលមកបាន A។ ខ្ញុំសុំផ្តាំផ្ញើទៅអ្នកប្រឡងជំនាន់ក្រោយថាគួរខំរៀនពីដើមឆ្នាំដោយសារតែខំរៀនចុងឆ្នាំទៅវាពិបាកខ្លួនឯង ហើយក៏បានផលអត់សូវល្អដែរ អ៊ីចឹងហើយគួរតែខំរៀនពីដើមឆ្នាំ ដើម្បីឲ្យខ្លួនឯងស្រួល នៅចុងឆ្នាំ ហើយមកប្រឡងដោយភាពជឿជាក់…”៕សូមទស្សនាវីដេអូខាងក្រោមនេះ


Posted

in

by

Tags:

Comments

Leave a Reply

Your email address will not be published. Required fields are marked *